2025-жылдын июль айында Жети-Өгүз районунун Чоң-Жаргылчак айылында жайгашкан «Эдельвейс» пансионатына КР Жаратылыш ресурстар, экология жана техникалык көзөмөл министрлигинин алдындагы Экологиялык жана техникалык көзөмөл кызматынын Ысык-Көл облусу боюнча башкармалыгынын кызматкерлери тарабынан пландан тышкаркы текшерүү жүргүзүлгөн.

Текшерүүнүн жүрүшүндө экологиялык коопсуздук жаатында ченемдик талаптардын бузулушу аныкталган.

Буга байланыштуу пансионаттын администрациясына Кыргыз Республикасынын Жоруктар жөнүндө кодексинин төмөнкү беренелери боюнча административдик айыптар салынды:

• 115-берененин 3-бөлүгү – 23 000 сом,
• 211-берене – 17 000 сом,
• 236-1-берене – 28 000 сом.

Айып пулдун жалпы суммасы 68 миң сомду түзгөн.

Мындан тышкары, экологиялык мониторинг департаменти тарабынан топурак жана суунун үлгүлөрү алынып, алар кошумча лабораториялык текшерүүдөн өткөрүлөт.

Текшерүүнүн жыйынтыгы менен пансионаттын жетекчилигине жаратылышты коргоо мыйзамдарын бузууларды жоюу боюнча 8 пункттан турган тизме менен расмий буйрук берилген. Мыйзам бузуулар толук жоюлмайынча пансионаттын иши убактылуу токтотулат.