Астана, 2026-жылдын 30-январы – Karavan Info маалымат агенттиги . Экибастузда кубаттуулугу 1 ГВт болгон жаңы шамал электр станциясы курулат. Тиешелүү документтерге Казакстан Республикасынын Энергетика министрлиги, Мамлекеттик энергетикалык инвестициялык корпорация жана Павлодар Green Energy LLP кол коюшту.

Энергетика министри Ерлан Аккенженов Кытайдын Казакстандагы элчиси Хан Чуньлин менен жолугушту. Тараптар өнөктөштүктүн стратегиялык мүнөзүн кайрадан тастыкташты.

Аккенженов долбоор аймактын экономикасына болжол менен 1,2 миллиард доллар түз инвестиция тартаарын билдирди.

«Станциянын энергия сактоочу системалар менен жабдылышы маанилүү. Бул өлкөнүн энергетикалык тармагына туруктуу электр энергиясын чыгарууну камсыздайт», – деп баса белгиледи ал.

Шамал электр станциясынын ишке кириши жылына 3,4 миллиард кВт/саат электр энергиясын өндүрүүгө мүмкүндүк берет жана парник газдарынын бөлүнүп чыгышын 2 миллион тонна CO₂ чейин азайтат.

Сүрөт : Казакстан Республикасынын Энергетика министрлиги