Кыргыз Республикасынын Экономика жана коммерциялык министрлиги Евразия экономикалык биримдигинин бажы аймагынан тышкары кайра иштетилген кагазды жана картонду (макулатура жана калдыктар) алты айлык мөөнөткө алып чыгууга убактылуу тыюу салуу боюнча токтомдун долбоорун иштеп чыкты. Максаты – ички рынокто чийки заттын жетишсиздигин алдын алуу жана ата мекендик өндүрүштү колдоо.

Министрликтин маалыматы боюнча, Кыргызстанда кагаз өндүрүшү туруктуу өсүүдө. Алсак, 2023-жылы 2527 тонна даарат кагазы өндүрүлгөн болсо, 2024-жылдын 8 айында 1849 тоннага жеткен. Кагаз кутуларды, ящиктерди жана баштыктарды өндүрүү 2023-жылы 23 489 миң м², ал эми 2024-жылдын 8 айында 15 114 миң м² түздү.

Ошол эле учурда макулатуранын импортунун көлөмү кыскарууда: 2024-жылдын январь-июнь айларында импорт 4243 тоннаны түздү, бул 2021-жылы 21 683 тоннага жана 2023-жылы 4 980 тоннага азыраак.

Макулатуранын экспорту да кыскарууда: 2021-жылы 156 тонна, 2024-жылы 232 тоннага жакын экспорттолгон. Негизги импорттоочу өлкөлөр Казакстан менен Орусия.

Тыюу салуунун киргизилиши ата мекендик ишканаларды, анын ичинде чийки заттын жетишсиздигинен 30-40% кубаттуулукта иштеп жаткан «Бишкек Картон» ЖЧКсы, «Алихан Компани» ЖЧКсы, «Алтын-Ажыдаар» ЖЧКсы жана башка ишканаларды колдоого алат.

Министрлик макулатураны кайра иштетүү салыштырмалуу жөнөкөй процесс экенин жана татаал жабдууларды талап кылбай турганын, экспортко тыюу салуу жумуш орундарын сактоого жана бюджетке салыктын түшүүсүн көбөйтүүгө жардам берерин баса белгилейт.