2025-жылдын биринчи алты айында Эмгек, социалдык коргоо жана миграция министрлигинин Москва шаарындагы өкүлчүлүгү Россия Федерациясында жашап жана иштеген кыргызстандыктардын укуктарын коргоо боюнча жигердүү иштерди улантты. Бул тууралуу аталган башкармалыктын коллегиясында өкүлчүлүктүн директору Жаркынай Галиева билдирди.

"Январь айынан июнь айына чейин эмгек акы төлөнбөй калган 621 жарандан 244 кайрылуу түшкөн. Сүйлөшүүлөрдүн жана расмий кат алышуунун аркасында 211 адам 18 миллион 178 миң 700 рубль өлчөмүндө төлөмдөрдү алышкан", — деди ал.

Мындан тышкары 6 жаран өндүрүштөн алган жаракаты үчүн компенсация алып, 6 миллион 224 миң 400 рубль алган.

Каза болгон мекендештердин сөөгүн мекенине жеткирүү маселелерине өзгөчө көңүл бурулду. Бул аралыкта өкүлчүлүккө сөөктөрдү мекенине жеткирүүгө кеткен чыгымдардын ордун толтуруу боюнча 55 арыз түшкөн. Буга чейин жалпысынан 3 миллион 940 миң рубль компенсация төлөнүп берилген.

Отчеттук мезгил ичинде өкүлчүлүк тарабынан жеке жана телефон аркылуу 13761 консультация берилген, ошондой эле жарандардын кайрылуулары боюнча Москва РИИБине 262 жолу барышкан.

Башкармалыктын өкүлдөрү 19 соттук отурумга катышып, 20 жаранга кайрылуулардын долбоорлорун түзүүгө жардам беришкен, Сахароводогу чет элдик жарандарды убактылуу кармоочу жайларга 21 жолу барышкан, Россия Федерациясынын ар кандай мамлекеттик мекемелеринин жетекчилери менен 41 жолу расмий жолугушууларды өткөрүшкөн, анын ичинде Москва шаарынын жана Москва облусунун медициналык уюмдарына 8 жолу барышкан.

"Жашы жете элек өспүрүмдөр менен иштөөгө өзгөчө көңүл бурулууда. Жарым жылдын ичинде ата-энесинин камкордугусуз калган же турмуштук оор кырдаалда калган 66 балага жардам көрсөтүлдү", – деп баса белгиледи директор.

Иш менен камсыз кылуу багытында Кыргыз Республикасынын жарандары үчүн 1907 бош орундар табылып, 1154 адам милдеттүү медициналык камсыздандыруу полистерин алууга жардам алышкан. Биринчи жарым жылдыкта өкүлчүлүктүн жалпы документ жүгүртүүсү 4022 документти түздү.

Россиянын миграциялык мыйзамдарындагы өзгөрүүлөрдүн алкагында өкүлчүлүк түшүндүрүү иштерин активдүү жүргүзүүдө. 24 сааттык телефон байланышы иштеп, РФ ИИМнин Миграция маселелери боюнча башкы башкармалыгынын жетекчилиги менен 8 жолу жолугушуу өткөрүлдү.

2025-жылы өкүлчүлүк Россия Федерациясынын ар кайсы шаарларында 7900дөн ашык адамдын катышуусунда 73 жолугушуу уюштурган.