Каракол шаарында «Евразиянын жүрөгүнө саякат» эл аралык экспедициясынын алкагында туризмди өнүктүрүүдө аялдардын ролуна арналган «Евразиянын жүрөгүнө саякат: аялдардын көз карашы» форуму өттү.

Туризм фондунун атынан Айжан Амангелдиева баяндама жасады. Ал белгилегендей, Кыргызстандын туризм тармагындагы ишкерлердин 50%дан ашыгы аялдар. Туризм өзүнүн ийкемдүү форматы менен жагымдуу тармакка айланып баратат: көптөгөн аялдар декреттик өргүүдө конок үйлөрүн ачып, гид болуп иштешет жана ички туризмди өнүктүрүүгө чоң салым кошууда.

Катышуучулар учурдагы тоскоолдуктарды жана аларды жоюунун жолдорун талкуулашты. Талкууда төмөнкүлөргө басым жасалды:

– электрондук коммерция аркылуу өнүктүрүү – үй-бүлө менен бизнестин ортосундагы тең салмактуулук – бизнес билиминин болушу – мамлекеттик жана эл аралык колдоо – аялдар коомчулугунун ролу жана чыныгы ийгилик тарыхы

Форумга Кыргызстан, Казакстан, Тажикстан жана Россиянын лидерлери – туризм, чыгармачыл индустрия, билим берүү, электрондук коммерция жана мамлекеттик сектордун өкүлдөрү катышты.