Казакстан Республикасынын Президенти Касым-Жомарт Токаев Кыргыз Республикасынын Президенти Садыр Жапаровду жана кыргыз элин Эгемендүүлүк күнү менен куттуктады.

«Казакстан элинин атынан жана жеке өзүмдүн атымдан Сизди жана сиздин мекендештериңизди Эгемендүүлүк күнү менен чын дилимден куттуктайм.

Бул атактуу күн боордош Кыргызстандын летописинде өзгөчө орунду ээлейт, эркиндикке, улуттук биримдикке болгон нукура каалоону символдоштуруп, кыргыз элинин өзүнүн мамлекеттүүлүгү жана эгемендик өнүгүүсү үчүн тарыхый тандоосун чагылдырат.

Эгемендүүлүк жылдарында Кыргызстан социалдык-экономикалык өсүүдө, демократиялык институттарды орнотууда жана эл аралык позицияларын бекемдөөдө көрүнүктүү ийгиликтерге жетишти. Бул жетишкендиктерде сиздердин салымыңыздар өзгөчө. Сиз өлкөнү жаңылоого, элдин жыргалчылыгын жогорулатууга багытталган радикалдуу саясий жана экономикалык реформаларды жүргүздүңүз.

Сиздин стратегиялык курсуңузду улантуу менен Кыргызстан мындан ары да туруктуу өсүү жана жаратман прогресс жолу менен алдыга ишенимдүү барат деп ишенем.

Казакстан казак-кыргыз көп кырдуу стратегиялык өнөктөштүгүн жана союздаштыгын мындан ары тереңдетүүгө өзгөчө маани берет. Биргелешкен күч-аракеттер менен биз мамлекеттер аралык байланыштарыбызды кылымдардан бери келе жаткан достуктун, жакшы коңшулаштыктын жана өз ара колдоонун духунда чыңдоодо дагы олуттуу натыйжаларга жетишебиз деп ишенем.

Учурдан пайдаланып, Сизге мамлекеттик ишмердүүлүгүңүздө жаңы ийгиликтерди, ал эми боордош Кыргызстан элине бакубатчылык жана гүлдөп өнүгүү каалайм», – деп айтылат куттуктоо телеграммасында.