КЫТАЙ, 31-август, 2025-жыл – Караван Инфо маалымат агенттиги.Бир күн мурун Тяньцзинге Шанхай кызматташтык уюмунун саммитине катышуу үчүн Казакстандын президенти Касым-Жомарт Токаев, Азербайжандын лидери Илхам Алиев, Пакистандын премьер-министри Шахбаз Шариф жана Беларустун президенти Александр Лукашенко келишкен.

Саммитте эки тараптуу сүйлөшүүлөр жана стратегиялык өнөктөштүк, аймактык туруктуулук жана эл аралык коопсуздук маселелери боюнча талкуулар болот.

Кытайдын төрагасы Си Цзиньпин Касым-Жомарт Токаев менен жолугуп, эки өлкөнүн ортосундагы кызматташтыкты тереңдетүү потенциалын баса белгиледи. Алиевди Тяньцзинь аэропортунан ардактуу кароол тосуп алды.

Кошумчалай кетсек, саммитке Орусиянын президенти Владимир Путин, 20дан ашык мамлекеттин лидерлери жана 10 эл аралык уюмдун жетекчилери катышат.

Сүрөт: Ачык булактар