АСТАНА, 31-июль – «Караван Инфо» МА.Президент Касым-Жомарт Токаевдин Түркияга болгон иш сапарынын алкагында тараптар 490 миллион доллардан ашык келишимдерге кол коюшту. Алардын арасында айыл чарба өнөр жайы, логистика жана фармацевтика боюнча биргелешкен долбоорлор бар.

Эң ири долбоор – кубаттуулугу жылына 330 миң тонна болгон дан жана буурчак өсүмдүктөрүн кайра иштетүү боюнча агроөнөр жай комплексин куруу. Инвестициялардын көлөмү 320 миллион долларды түзөт.

Ошондой эле 75 миллион долларга Алматы, Астана жана Шымкентте үч логистикалык борборду, Казпочта жана түрк өнөктөштөрүнүн (25 миллион доллар) колдоосу менен Актөбөдө көп функционалдуу логистикалык борборду түзүү пландалууда.

Мындан тышкары Түркстан облусунда “Orzax Group” диеталык кошулмаларын чыгаруучу завод курулат. Жылдык өндүрүш 464 миллион даана, инвестиция – 70 миллион доллар болот.

Кошумчалай кетсек, Шымкентте 120 миллион долларлык күнөскана комплексин түзүү маселеси талкууланууда. Тараптар бардык долбоорлорду ишке ашырууну тездетүүгө даяр экендиктерин билдиришти.

Сүрөт: Акорда