Стамбул, 17-апрель, 2025-жыл – Караван Инфо маалымат агенттиги.Казакстандын вице-премьер-министри жана тышкы иштер министри Мурат Нуртлеу Стамбулда түркиялык ири компаниялардын жетекчилери менен жолугушууларды өткөрдү.

Сүйлөшүүлөрдүн жүрүшүндө Казакстандын агроөнөр жай комплексинде жана тамак-аш өнөр жайында инвестициялык долбоорлорду ишке ашыруунун келечеги талкууланды.

Мурат Нуртлеу Казакстан Түркия менен соода-экономикалык кызматташтыкты бекемдөөгө чоң маани берерин жана экономиканын негизги тармактарына түз инвестиция тартууга кызыкдар экенин баса белгиледи.

Түрк компанияларынын өкүлдөрү учурдагы долбоорлор ийгиликтүү ишке ашарына ишенимин жана мындан ары Казакстандагы катышуусун кеңейтүүгө, ошондой эле кызматташуунун жаңы келечектүү багыттарын изилдөөгө даяр экендигин билдиришти.

Сүрөт:Казакстан Республикасынын Тышкы иштер министрлиги