Кыргызстанда КМШга мүчө-мамлекеттердин достук армияларынын аскер кызматкерлеринин арасында XVI спартакиаданын алкагында өткөн армиялык кол күрөш боюнча Казакстандын командасы биринчиликти жеңип алды. Мелдешке Белоруссия, Казакстан, Кыргызстан, Орусия жана Тажикстандын аскер кызматкерлери катышып, тогуз салмак категориясы боюнча күч сынашты.

Чемпионаттын жыйынтыгында командалык мелдеште Казакстандын командасы биринчи орунду ээледи. Экинчи орунду Орусиянын кол күрөшчүлөрү, үчүнчү орунду Кыргызстандын спортчулары алды.

Казакстан Республикасынын Коргоо министрлигинин Спорт комитетинин төрагасы – ЦККнын башчысы, полковник Арман Абеуов мындай мелдештер аскер кызматкерлерин чыңдоо, мелдештин духун арттыруу жана катышуучулардын ортосундагы достук мамилени чыңдоо үчүн маанилүү экенин белгиледи.

Сүрөт: Казакстан Республикасынын Коргоо министрлиги