Коргоо министри, генерал-полковник Руслан Жаксылыков Казакстандын чыгышына жасаган иш сапарынын алкагында бир катар аскер бөлүктөрүн жана аскердик объектилерин кыдырды.

Абай областтык гарнизонунда 74884-аскер бөлүгүнүн аймагындагы объектилердин курулушун текшерүүдөн баштады. Андан соң, типтер аралык окуу полигонунун аскердик тирине барып, аскер кызматкерлери тарабынан контролдук атуулардын аткарылышын байкады. Ушул эле күнү аткычтар комплексинде 35411-аскер бөлүгүнүн мотоаткычтар ротасы менен роталык тактикалык машыгуулар өтүп, анда “Рота коргонууда” деген темада тапшырмалар аткарылды.

Мындан тышкары, полигондун танкодромунда министр механикалаштырылган запастагы бригадага бөлүнгөн аскер кызматкерлеринин катышуусунда эки этаптан турган командалык-штабдык машыгуунун жүрүшүнө көз салып, ошондой эле 35411 аскер бөлүгүнүн аскердик унаа паркын көрүп чыкты.

Семей шаарында Руслан Жакшылыков аскердик госпиталда болду, ошондой эле коргонуу жана жарандык продукцияны иштеп чыгуу, өндүрүү, оңдоо жана техникалык тейлөө менен алектенген «Семей инжиниринг» АК заводунун жетекчилиги менен жолугушуу өткөрдү.

Сүрөттө: Казакстан Республикасынын Коргоо министрлиги