Вице-премьер-министр Серик Жумангариндин төрагалыгы алдында өткөн жыйында программаны ишке ашыруунун конкреттүү кадамдары жана жыйынтыгы каралды.

Долбоордун алкагында 400дөн ашык айыл чарба кооперативдери түзүлүп, анын 319у 6,7 миллиард теңге суммасында каржыланган.

Бул айыл чарба кооперативдеринде башка айыл чарба өндүрүүчүлөрү менен бирдей шарттарда мамлекеттик колдоонун бардык чаралары бар.

Атап айтканда, конкреттүү колдоо чараларына 8 миң АЕК (айлык эсептик көрсөткүч) чейин кредит берүү кирет, Казакстандын Айыл чарба министрлиги кооперативдерге айыл чарба техникасын берүү механизмдерин иштеп чыккан.

Мындан тышкары, айылдык калктуу конуштарга жана кичи шаарларга микрокредит берүү эрежелерине өзгөртүүлөрдү жана толуктоолорду киргизүү пландалууда.

Инвестициялык субсидиялоо эрежелери айыл чарба техникаларынын жана жабдууларынын айрым түрлөрүнүн наркын жергиликтүү бюджеттин каражаттарынын эсебинен 50 пайызга чейин субсидиялоонун артыкчылыктуу жана жогорулатылган ченемдерин карайт. Салык кодексинде бардык салыктар боюнча 70 пайыз жеңилдик каралган атайын салык режими каралган.

Жыйындын жыйынтыгында Серик Жумангарин аймактарда айыл чарба кооперативдерин түзүү боюнча ишти активдештирүү тапшырмасын берди.

«Айыл аманаты» программасынын алкагында 90,7 млрд теңгеге 14,4 миң микрокредит берилген. Каражаттын 80%ы мал чарбачылыгына, 4%ы өсүмдүк өстүрүүгө, 5%ы техника жана жабдууларды сатып алууга жана 11%ы иштин башка тармактарына бөлүнгөн. Программанын алкагында салыктык түшүүлөрдүн көлөмү 1,3 миллиард теңгени түздү. Программанын аркасында 16 миң жаңы жумушчу орун түзүлдү.

Сүрөт: Казакстан Республикасынын Премьер-министринин расмий маалымат ресурсу