Жаштар күнүнө арналган Улуттук декада «Таза Казакстан» экологиялык кампаниясы менен башталды. Акцияга өлкө боюнча 13500 активист катышып, алар сейил бактарды, дарыя жана көл жээктерин, ошондой эле тарыхый-маданий объектилердин аймактарын тазалоо жана көрктөндүрүү иштерин жүргүзүштү.

Жаштар биргеликте 600 гектарга жакын аянтты тазалап, 256 тонна таштанды чогултушту. Атырау облусунда катышуучулар 3 миңдей балык чабактарын сактап, Урал дарыясына коё беришти.

Быйыл Казакстанда Жаштар күнү он күн белгиленип, декаданын ар бир күнү өзүнүн темасына ээ. 4-август өзүн-өзү өнүктүрүүгө, лидерликке жана кесиптик өнүгүүгө мотивацияга арналган.

Сүрөт: Казакстан Республикасынын Маданият жана маалымат министрлиги