Астана, 12-май, 2025-жыл – Караван Инфо маалымат агенттиги.Дзюдо боюнча Казакстан курама командасынын өкүлү Ерасыл Казыбаев Астанада өткөн Чоң шлем турниринде күмүш медаль тагынды. Спортчу 100 килограммдан жогорку салмак категориясында күч сынашып, турнир бою жогорку чеберчилигин көрсөткөн, бирок финалдык беттеште япониялык Хеги Отадан баш байгени алдырып жиберген.

Чечүүчү беттеште Казыбаев япониялык атаандашынан эрте утулуп калды. Ошого карабастан, утуп алган күмүш медаль казакстандык дзюдочу үчүн чоң жетишкендик жана Казакстан курама командасынын мындай жогорку деңгээлдеги үй турнириндеги жалпы командалык эсебине кошкон зор салымы.

"Kazakstan Barysy Grand Slam" мелдешинин жыйынтыгында Казакстан курамасы жалпысынан тогуз медалга ээ болду. Казакстандык дзюдочулар үч күмүш жана алты коло медалга ээ болушту.

Сүрөт:КР УОК