Казакстандын элчиси Азамат Абдраимов Финляндиянын президенти Александр Стуббга Финляндиянын Президенттик сарайында өткөн расмий аземде ишеним грамотасын тапшырды.

Эки тарап өлкөлөр ортосундагы саясий диалогдун жогорку деңгээлин, соода-экономикалык кызматташтыктын оң динамикасын жана маданий-гуманитардык байланыштардын чыңдалышын белгилешти. Сүйлөшүүнүн жүрүшүндө эки тараптуу кызматташтыкты мындан ары тереңдетүү жана кеңейтүү келечеги, анын ичинде транспорт-логистикалык сектор, суу ресурстарын башкаруу, токой чарбасы жана технологиялар трансфери талкууланды.

Азамат Абдраимов Казакстандын Түндүк Европадагы негизги өнөктөшү катары Финляндиянын маанилүүлүгүн баса белгилеп, бардык багыттар боюнча жигердүү кызматташууга даяр экенин ырастады. Финляндиянын президенти элчини дипломатиялык миссиясынын башталышы менен куттуктап, казак-фин мамилелерин чыңдоодо ийгиликтерди каалады.

Сүрөттө: Казакстан Республикасынын Тышкы иштер министрлиги