Семей, 12-июнь, 2025-жыл – Караван Инфо маалымат агенттиги.Семейде Казакстандын Куралдуу күчтөрүнүн аскер кызматкери, катардагы жоокер Кызыр Мухаметжанов күйүп жаткан жеке үйдөн аялды алып чыгып, чыныгы эрдик көрсөттү.

Окуя 10-июнь күнү кечке жуук, шаарда жайгашкан аскер бөлүктөрүнүн биринин коменданттык взводунун электрики дүкөнгө бара жаткан учурда болгон.

Үйдөгү өрттү өчүрүүгө аракет кылып жаткан адамдарды байкап, күйүп жаткан имараттын терезелеринен жардам сурап кыйкырыктарды угуп, эч ойлонбостон жардамга шашкан.

Катардагы жоокер Мухаметжанов тосмодон секирип өтүп, терезенин айнегин сындырып, отко оролгон бөлмөгө кирген. Коюу түтүндөн үйдүн ичинде эч нерсе көрүнбөй калгандыктан, жоокер кыйкырыктарга таянган.

Аялды таап, өз өмүрүн тобокелге салып, колтугуна алып, күйүп жаткан имараттан алып чыккан. Жабырлануучу тез жардам бригадасы тарабынан Семей шаарындагы медициналык мекемеге дарыланууга жеткирилген.

0з ишинин ачык-айкын эрдигине карабастан, Муха-метжановдун озу аны керунуктуу нерсе деп эсептебейт. Кыйынчылыкта жардамга келүү ар бир атуулдун милдети деп эсептеп, аны «тайманбастык менен чечкиндүү аракеттенүү» аскердик адаты түрткү болгон деп эсептейт.

Сүрөттө: Казакстан Республикасынын Коргоо министрлиги