Кыргыз Футбол Биримдиги (КФУ) Азия Футбол Конфедерациясына (АФК) 2028-жылы 23 жашка чейинкилер арасындагы Олимпиадалык курама командалар арасында Азия Кубогун өткөрүү үчүн расмий түрдө арыз берди.
Бул турнир Азиядагы эң маанилүү турнирлердин бири деп эсептелет жана континенттин эң күчтүү 16 улуттук курама командасын бириктирет. Мелдешти Кыргызстанда өткөрүү футбол инфраструктурасын өнүктүрүүгө, өлкөнүн эл аралык кадыр-баркын көтөрүүгө жана жаштар арасында футболду популярдуу кылууга жардам берет.
Арыздын алкагында КФУ эл аралык талаптарга толук жооп берген стадиондорду, машыгуу аянтчаларын, мейманкана инфраструктурасын жана транспорттук логистиканы камтыган комплекстүү концепцияны сунуштады.
Кыргызстан менен катар Иордания, Япония, Катар, БАЭ жана Өзбекстан дагы турнирди өткөрүүгө талапкер болууда. Өлкөнүн инфраструктурасын жана даярдыгын баалоо үчүн АФКнын өкүлдөрүнүн инспекциялык сапары 2-6-мартка пландаштырылган. Кабыл алуучу өлкө боюнча акыркы чечим инспекциянын жыйынтыктарынын жана берилген документтердин негизинде кабыл алынат.
КФУ 23 жашка чейинкилер арасындагы Азия Кубогун улуттук футболду өнүктүрүүдөгү стратегиялык кадам катары карайт жана жаш оюнчуларды машыктыруу үчүн заманбап шарттарды түзүүнү улантууда.
2026-жылдын 17-февралы, саат 19:13:20