Вице-премьер-министр Эдил Байсалов Европадагы коопсуздук жана кызматташтык уюмунун (ЕККУ) Бишкектеги программалык кеңсесинин башчысы, элчи Фолькер Фробат менен жолугушту, деп билдирди министрлер кабинети.
Сыйлык берүү учурунда Эдил Байсалов элчини дайындалышы менен куттуктап, ишине ийгилик каалады. Ал Кыргыз Республикасы ЕККУну коопсуздук жана кызматташтык боюнча тең укуктуу жана өз ара сый-урматка негизделген диалог үчүн маанилүү платформа катары көрөрүн, өлкөнүн демократиялык принциптерге, мыйзам үстөмдүгүнө жана адам укуктарын жана эркиндиктерин коргоого берилгендигин дагы бир жолу тастыктай турганын белгиледи.
Тараптар кызматташуунун артыкчылыктуу багыттарын, анын ичинде коррупцияга жана уюшкан кылмыштуулукка каршы күрөшүүнү, мамлекеттик башкарууну санариптештирүүнү жана сот жана укук коргоо системаларын реформалоону талкуулашты.
Ошондой эле, ЕККУнун Бишкектеги Академиясын андан ары өнүктүрүү, анын ичинде аны институционалдаштыруу жана салык маселелерин жөнгө салуу маселелери талкууланды.
Жолугушуунун жыйынтыгында Кыргыз Республикасы менен ЕККУнун ортосундагы конструктивдүү кызматташтыкты андан ары чыңдоого өз ара даярдык ырасталды.
2026-жылдын 20-февралы, саат 10:47:56