26-июнда Кыргызстандын Германиядагы элчиси Өмүрбек Текебаев Саксония-Анхальт федералдык мамлекетинин премьер-министри Райнер Хаселофф менен жолугушту. Бул тууралуу КР Тышкы иштер министрлиги билдирди.

Сүйлөшүүнүн жүрүшүндө кыргыз-герман күн тартибиндеги актуалдуу маселелер, анын ичинде соода-экономикалык жана инвестициялык чөйрөлөрдөгү, ошондой эле маалымат технологиялары, логистика жана туризм чөйрөлөрүндөгү кызматташуу боюнча пикир алмашуу болду.

Элчи кыргыз-герман ишкерлер кеңешинин ишмердүүлүгү тууралуу маалымат берип, бизнес өкүлдөрүн 2025-жылы боло турган иш-чараларга катышууга чакырды.

Тараптар Кыргыз Республикасы менен Германия Федеративдүү Республикасынын Саксония-Анхальт Федеративдик мамлекетинин ортосундагы мамилелерди мындан ары өнүктүрүүгө умтула тургандыгын ырасташты.

Булак: caravan-info.uz