2026-жылдын 23-февралында Женевада БУУнун Адам укуктары боюнча кеңешинин жана Куралсыздануу боюнча конференциянын жогорку деңгээлдеги сегменттеринин алкагында Кыргыз Республикасынын тышкы иштер министри Жээнбек Кулубаев Индонезиянын тышкы иштер министри Сугионо менен жолугушту.

Тараптар кыргыз-индонезиялык кызматташтыктын учурдагы абалын жана келечегин талкуулап, саясий диалогду активдештирүүнүн, жогорку деңгээлдеги сапарларды жүргүзүүнүн, эки тараптуу байланыштарды чыңдоонун, ошондой эле БУУнун жана башка эл аралык уюмдардын алкагында өз ара аракеттенүүнүн маанилүүлүгүн баса белгилешти.

Тараптар бизнес-форумдарды өткөрүү аркылуу экономикалык байланыштарды күчөтүү жөнүндө макулдашышты жана Кыргыз Республикасында халал индустриясын өнүктүрүү боюнча кызматташууну түзүүгө кызыкдар экендигин билдиришти.

Жолугушуунун жыйынтыгында тараптар көп тараптуу жана эки тараптуу мамилелерди андан ары чыңдоого жана практикалык кызматташтыкты кеңейтүүгө өз ара даяр экендиктерин ырасташты, эки өлкөнүн тышкы иштер министрликтеринин ортосундагы өз ара аракеттенүүнү активдештирүүнүн жана үзгүлтүксүз саясий консультациялардын механизмдерин иштеп чыгуунун маанилүүлүгүн баса белгилешти.

24.02.2026 07:14:15