29-августта Кыргызстандын тышкы иштер министринин орун басары Медер Абакиров менен Индонезия Республикасынын тышкы иштер министринин орун басары Ариф Хавас Огросено телефон аркылуу сүйлөштү. Бул тууралуу Тышкы иштер министрлигинин басма сөз кызматы билдирди.

Сүйлөшүүнүн жүрүшүндө жогорку жана жогорку деңгээлдеги сапарларды уюштурууга эки тараптын тең кызыкчылыгы ырасталды.

Министрдин орун басары мындан аркы терең жана көп кырдуу өнөктөштүктүн негизи катары диалогду чыңдоонун маанилүүлүгүн белгиледи.

Тараптар ошондой эле соода-экономикалык, маданий-гуманитардык жана башка тармактарда кызматташуунун учурдагы абалын жана келечегин, ошондой эле ар тараптуу өз ара аракеттенүүнү активдештирүү үчүн келишимдик-укуктук базаны кеңейтүү мүмкүнчүлүктөрүн талкуулашты.

Мындан тышкары, тараптар эки өлкөнүн тышкы иштер министрликтеринин ортосунда саясий консультацияларды өткөрүү маселесин талкуулашты.