2025-жылдын 18-декабрында Кабулда Кыргыз Республикасынын транспорт жана коммуникация министринин орун басары Алмаз Тургунбаев Ооганстандын транспорт жана жарандык авиация министринин орун басары Абдул Хайдари менен жолугушуу өткөрдү.

Тараптар эл аралык жүк ташууларды кеңейтүүнү кошо алганда, транспорттук кызматташтыкты өнүктүрүү келечегин талкуулашты. Кыргызстан 2026-жылга карата 1000 уруксат кагазын алмашууну сунуштады, бул сунушту ооган тарап колдоду. Ооганстан эки тараптуу транзиттик келишим түзүү сунушун киргизди, ага Кыргызстан келишимдин долбоорун өз убагында карап чыгууга даяр экенин билдирди.

Ошондой эле, кыргыз тарап жүк ташуу коопсуздугун камсыз кылуу зарылдыгын баса белгилеп, Ооганстан аркылуу Иран менен Пакистанга транзиттик маршруттарды өнүктүрүүгө кызыкдар экенин билдирди.

Жолугушуунун жыйынтыгында эки өлкөнүн министрликтеринин алдында биргелешкен транспорт комиссиясын түзүү чечими кабыл алынды. Тараптар үзгүлтүксүз диалогду улантуунун маанилүүлүгүн белгилеп, өнөктөштүктү андан ары чыңдоого кызыкдар экенин билдиришти.

2025-жылдын 20-декабры, саат 18:55:33