Кыргыз Республикасынын Президенти Садыр Жапаровдун Тажикстан Республикасына мамлекеттик сапарынын алкагында кыргыз-тажик экономикалык форуму өтүп, анда эки тараптуу макулдашууларга жана кызматташуу боюнча меморандумдарга кол коюлду.

«Кыргыз агрохолдинг» ААКсы менен «Таджагропромэкспорт» мамлекеттик унитарлык ишканасы эки өлкөнүн ортосундагы айыл чарба продукцияларын жеткирүү жана соода мамилелерин чыңдоого багытталган өз ара соода келишимине кол коюшту.

Ошондой эле, форумдун алкагында Кыргыз Республикасынын жана Тажикстан Республикасынын Президенттери улуттук буюмдардын көргөзмөсүнө барышты, анда «Кыргыз Агрохолдинг» ААК аскер кызматкерлери үчүн жеке тамак-аш рационун көрсөтүштү.

«Кыргыз Агрохолдинг» ААК жетишилген макулдашуулар мындан аркы кызматташуу жана эки мамлекеттин экономикасынын кызыкчылыгында биргелешкен долбоорлорду ишке ашыруу үчүн бекем негиз болуп каларына ишенет.