2026-жылдын 17-февралынан 20-февралына чейин Ташкентте Кыргыз Республикасы менен Өзбекстандын авиация бийликтеринин жана аэронавигациялык кызмат көрсөтүүчүлөрдүн жетекчилеринин расмий жолугушуусу өттү.

Сүйлөшүүлөр өлкөлөр ортосундагы кызматташтыкты чыңдоого, туруктуу өз ара аракеттенүүнү өнүктүрүүгө жана жарандык авиация тармагында мындан аркы биргелешкен иштердин артыкчылыктуу багыттарын макулдашууга багытталган.

Жолугушуунун жүрүшүндө тараптар эки тараптуу кызматташтыктын учурдагы маселелерин, анын ичинде аба кыймылын тейлөө боюнча жоопкерчиликти өткөрүп берүү жөнүндө келишимге мүмкүн болгон өзгөртүүлөрдү талкуулашты. Учуулардын коопсуздугуна жана аэронавигациялык кызматтардын натыйжалуулугун жогорулатууга өзгөчө көңүл бурулду.

Авиация жетекчилери ошондой эле эки мамлекеттин ортосундагы аба мейкиндигин өткөрүп берүү механизмин иштетүү жана өнүктүрүүгө байланыштуу стратегиялык маселелерди талкуулашты. Алар эки тараптын тең кызыкчылыктарын эске алган жана аймактык авиация коопсуздугун чыңдоого салым кошкон чечимдерди кабыл алуунун маанилүүлүгүн баса белгилешти.

Сүйлөшүүлөрдүн жыйынтыгында тараптар ачык диалогду улантууга жана жарандык авиация жаатында кызматташууну өнүктүрүүгө даяр экендиктерин билдиришти.

24.02.2026 06:19:44