Кыргызстандын башкы прокурорунун орун басары Нурбек Каимов Монголиянын элчиси Ганхуяг Содном менен жолугушуу өткөрдү. Бул тууралуу Башкы прокуратурадан билдиришти.
Жолугушуунун жүрүшүндө Кыргызстан менен Монголиянын укук коргоо органдарынын ортосундагы эки тараптуу мамилелерди өнүктүрүүнүн келечеги талкууланды.
Кылмышкерлерди экстрадициялоо боюнча жана соттолгон адамдарды өз өлкөсүндө жазасын андан ары өтөө үчүн келишимдерди иштеп чыгуу маселелерине өзгөчө көңүл бурулду.
Тараптар бул багыттарда кызматташуусун бекемдөө жана эки өлкөнүн прокуратура органдарынын ортосундагы кесиптик өз ара мамилелерди мындан ары өнүктүрүүгө даярдыгын билдиришти.
Жолугушуунун жыйынтыгы боюнча сүйлөшүүлөрдү улантуу жана белгиленген максаттарды ишке ашыруу үчүн документтерди даярдоо жөнүндө макулдашууларга жетишилди.
Манба: сайт https://caravan-info.kg/