Чүй районундагы Антонов атындагы аскердик мектеп-гимназиясынын окуучуларынан түзүлгөн жаш жол инспекторлор тобу Казакстан Республикасынын Усть-Каменогорск шаарына жөнөп кетишти.

Жигиттер КМШ өлкөлөрүнүн жол кыймылынын жаш инспекторлорунун ХХ мамлекеттик сынагына Кыргыз Республикасынын атынан катышууда.

Ички иштер министрлигинин Жол кыймылынын коопсуздугун камсыздоо башкы башкармалыгынын жетекчилиги мелдештин катышуучуларына мектеп сумкаларын тапшырып, ийгиликтерди каалашты.

Жол кайгуул кызматынын жетекчилиги да өлкөнүн намысын коргогон патриот уул-кыздарды тарбиялап жаткан ата-энелерге терең ыраазычылык билдирди. Өспүрүмдөрдүн эл аралык мелдешке катышуусу жаштар арасында жол кырсыктарынын алдын алууга, түшүндүрүү иштерин жүргүзүүгө жакшы негиз болоору айтылды.

Бул маанилүү иш-чара өспүрүмдөрдүн жол коопсуздугу жаатында билимин тереңдетүүгө, тажрыйба алмашууга жана эл аралык деңгээлде өз өнөрлөрүн көрсөтүүгө жардам берет.