КР Улуттук статистикалык комитетинин маалыматы боюнча, 2024-жылы үй чарбаларын тандап изилдөөнүн жыйынтыгы боюнча калктын номиналдык акчалай кирешеси 926 млрд сомдон ашты, бул 2023-жылга салыштырмалуу 18,9%га көп.

Кирешенин негизги бөлүгүн төмөндөгүлөр түздү:

• Эмгек ишмердүүлүгүнөн түшкөн киреше – жалпы көлөмдүн 73,2%,
• Социалдык трансферттер (пенсиялар, жөлөкпулдар ж.б.) – 14,4%,
• Жеке чарбалардын продукциясын сатуудан түшкөн киреше – 8,6%.

Инфляцияны эске алуу менен калктын реалдуу акчалай кирешеси 2024-жылы 882 миллиард сомду түзүп, өткөн жылга салыштырмалуу 13%га көп болгон.

Ведомствонун маалыматы боюнча, 2024-жылы жан башына орточо реалдуу киреше айына 11 225,6 сомду түздү, бул 2023-жылга салыштырмалуу 10,8%га жогору. Ал эми колдо болгон киреше (салыктарды жана милдеттүү төлөмдөрдү алып салганда) бир адамга орточо 11 318,6 сомду түздү.