Министрлер кабинетинин башчысы Аклыбек Жапаров Кыргызстан менен Орусиянын Коргоо министрликтеринин ортосунда түзүлгөн келишимди жактырды.

Ал биргелешкен операцияларды жүргүзүүдө эки өлкөнүн куралдуу күчтөрүнүн түзүмдөрү жана аскердик бөлүктөрүнүн радиациялык, химиялык жана биологиялык абалын аныктоо жана баалоо жаатындагы өз ара аракеттенүүгө тиешелүү.

.

Келишимдин тексти “Эркин-Тоо” гезитине жарыяланып, 26-апрелде Астанада кол коюлган. Документте тараптар аскерлердин коопсуздугун камсыз кылуу үчүн радиациялык, химиялык жана биологиялык коркунучтарга мониторинг жүргүзүү жана баалоо, анын ичинде анын өзгөрүшү жана радиоактивдүү материалдардын, уулуу химикаттардын жана биологиялык агенттердин таралуу тобокелдиктери жөнүндө отчеттуулук жаатында кызматташууга милдеттенери айтылат.

Ошондой эле, Коргоо министрликтери биргелешкен иш-чараларды өткөрүүдө радиациялык, химиялык жана биологиялык кырдаалдын мүмкүн болуучу өзгөрүүлөрү жөнүндө аскер кызматкерлерине маалымат берүү менен өз аракеттерин координациялоого тийиш экендиги белгиленген.

Өз ара аракеттенүү Россияда да, Кыргызстанда да радиациядан, химиядан жана биологиядан коргоого жооптуу контролдук пункттар аркылуу ишке ашат.

Сүрөт: Орусиянын Коргоо министрлиги