Кыргызстандын тышкы жана өз ара соодасынын көлөмү алдын ала маалыматтар боюнча 2025-жылдын январь-апрель айларында 4 592,4 миллион АКШ долларын түздү. Бул тууралуу Улуттук статистикалык комитеттин төрагасынын орун басары Бакытбек Шокенов маалымат жыйынында билдирди.

Анын айтымында, бул көрсөткүч 2024-жылдын январь-апрель айларына салыштырмалуу 11,7%га азайган.

Анын ичинде экспорттук жеткирүүлөр 8,2%га, импорттук түшүүлөр 12,3%га кыскарган.

2025-жылдын январь-апрель айларында Кыргызстан менен ЕАЭБге мүчө мамлекеттердин ортосундагы өз ара сооданын көлөмү 1 472,7 млн АКШ долларын түздү, бул 2024-жылдын ушул мезгилине салыштырмалуу 3,8%га көп. ЕАЭБ өлкөлөрүнүн ичинен республиканын өз ара соодасынын эң чоң үлүшү Россияга (67,6%) жана Казакстанга (67,6%) туура келет.