Кытайлык Beijing Capital Agro компаниясы Казакстанда эт багытындагы мал чарбачылыгына 600 миллион доллардан ашык инвестиция салууну пландоодо. Долбоордун алкагында малдын этин жана тирүү бодо малды сатып алуу боюнча Казакстан менен бордоо аянттарын түзүү жана узак мөөнөттүү кызматташуу каралган. 2030-жылга чейин республикада 600дөн ашык фермердик чарбалар жана мал бордоо аянттары түзүлөт.
Кытайлык CITIC Construction жана Beijing Capital Agro компаниялары менен болгон жолугушууда Кытай Казакстандын түштүк-чыгыш аймактарынан эт азыктарын экспорттоого чектөөлөрдү алып салганы, уй этинин биринчи партиясы ушул жылдын июнь айында Кытайга жөнөтүлгөнү айтылды.
Ошондой эле экспорттолуучу товарлардын ассортиментин кеңейтүү маселеси талкууланды. Жолугушуунун жыйынтыгында казакстандык компаниялар кытайлык өнөктөштөрү менен 75 миллион доллар өлчөмүндө эт экспорттоо жана Кытайга тирүү мал жеткирүү боюнча үч келишимге кол коюшту Бул келишимдин алкагында эт өндүрүү Кытайда гана ишке ашат. Эт азыктарын мүмкүн болгон жоготууларга карабастан башка өлкөлөргө экспорттоо күтүлбөйт.