Дүйшөмбү, 28-июнь, – «Караван Инфо» МА26-июнда Кытай Эл Республикасынын Нинбо шаарында Шанхай кызматташтык уюмуна (ШКУ) мүчө-мамлекеттердин энергетика министрлеринин бешинчи жыйыны өттү. Иш-чара аралаш форматта өтүп, аны Кытай Эл Республикасынын Мамлекеттик энергетика башкармалыгынын башчысы Ван Хунчжи алып барды.

ШКУнун Пекиндеги катчылыгынан билдиришкендей, жыйынга катышуучу-өлкөлөрдүн энергетика тармагындагы кызматташтыкты өнүктүрүүгө жооптуу министрликтери менен ведомстволорунун өкүлдөрү катышты.

Катышуучулар ШКУнун алкагында энергетика тармагындагы кызматташтыкты өнүктүрүүнүн учурдагы абалы жана келечеги тууралуу пикир алышты. Делегациялардын башчылары энергетикалык өтүүнү камсыз кылуу, энергетикалык системалардын туруктуулугун жогорулатуу, глобалдык туруксуздуктун шартында энергетикалык коопсуздук маселелерине басым жасашты.

Жыйындын жүрүшүндө ШКУга мүчө-мамлекеттердин башчыларынын кеңешинин Тяньцзинь шаарында өтө турган ШКУ саммитинде кабыл алынышы пландалган энергетиканы туруктуу өнүктүрүү боюнча Билдирүүсүнүн долбоору жактырылды.

Тараптар ошондой эле 2024-жылдын июль айында Астана саммитинде бекитилген 2030-жылга чейин энергетикалык кызматташтык стратегиясын ишке ашыруу боюнча Жол картасын координациялоону улантуу ниетин ырасташты.

Ушул эле күнү иш-чаранын алкагында “Инновация жана интеграция: энергия келечекти аныктайт” деген ураан астында байкоочу мамлекеттердин, ШКУ диалогу боюнча өнөктөштөрдүн жана эл аралык уюмдардын өкүлдөрүнүн катышуусунда эл аралык форум өттү.

СУРОТТв: ШКУ секретариаты