ООГАНСТАН, 2026-жылдын 7-марты – Karavan Info маалымат агенттиги. Орусиянын тышкы иштер министри Сергей Лавров Талибандын тышкы иштер министри Амир Хан Муттаки менен телефон аркылуу сүйлөшүп, Кабул менен Исламабаддын ортосундагы аскердик жана саясий чыңалууну азайтуу зарылдыгын баса белгиледи.
Орусиянын Тышкы иштер министрлиги тараптар сүйлөшүү учурунда аймактык кырдаалды, анын ичинде "Иранга кол салуунун терс жана туруксуздаштыруучу кесепеттерин" талкуулашканын билдирди.
Министрликтин маалыматы боюнча, Лавров менен Муттаки ошондой эле Ооганстан менен Пакистандын ортосундагы аскердик жана саясий чыңалууну азайтуунун келечегин талкуулашты. Лавров Кабул менен Исламабаддын ортосундагы пикир келишпестиктерди саясий жана дипломатиялык механизмдер аркылуу чечүү зарылдыгын баса белгиледи.
Сүрөт: Дөңсөө