МОСКВА, 14-май, 2025-жыл — АА Караван инфо.Бул түнү Ливияда жаңы кагылышуулар болду. Ливиянын улуттук армиясынын аскердик техникасынын колонналары Бенгазиден Триполиге карай жылды. Шаарда кайрадан атышуулар угулуп жатат.

Оор кылмыштар үчүн соттолгон туткундар Ливиянын баш калаасынын чыгышына качып кетишкенин полиция билдирди. Кырдаалга байланыштуу аэропорт жабылып, башка шаарларга каттамдар өзгөрүп жатат.

Кырдаал кечээ кагылышта алты адам каза болгондон кийин курчуган. Эске салсак, Ливияда жарандык согуш лидер Муаммар Каддафи өлтүрүлгөндөн кийин 2011-жылдан бери уланып келет. Ошондон бери Ливия бирдиктүү мамлекет катары жок.

Сүрөт: ачык булактардан.