Сүйлөшүүнүн жүрүшүндө Шавкат Мирзиёев Касым-Жомарт Токаевди Казакстан Республикасынын жаңы Конституциясынын долбоору боюнча референдумдун ийгиликтүү өткөрүлүшү менен куттуктады.

Өзбекстандын Президенти баса белгилегендей, референдумдун жыйынтыктары Президент Касым-Жомарт Токаевдин жетекчилиги астында жүргүзүлүп жаткан кеңири масштабдуу реформалар элдин ишенимине ээ экенин ачык көрсөтүп турат.

Мамлекет башчысы Шавкат Мирзиёевге колдоо көрсөткөнү жана Өзбекстандан, анын ичинде эл аралык уюмдардын курамында байкоочулар миссиясын жөнөткөнү үчүн ыраазычылык билдирди.

Касым-Жомарт Токаев билдиргендей, жаңы Конституция прогрессивдүү, заманга шайкеш келет жана мамлекеттин туруктуу жана ар тараптуу өнүгүшүн камсыз кылууга багытталган. Ал реформа процессинде эл аралык өнөктөштөр, айрыкча Казакстандын жакын кошуналары жана союздаштары менен кызматташууну бекемдөөгө өзгөчө көңүл бурулаарын кошумчалады.

Маектештер ошондой эле стратегиялык өнөктөштүк жана союздаштык духунда туруктуу бекемделип жаткан казак-өзбек мамилелеринин оң динамикасын белгилешти.

Тараптар мурда жетишилген келишимдерди жана Жогорку Мамлекеттер аралык Кеңештин чечимдерин ишке ашыруудагы ийгиликтерге канааттануу билдиришти. Бардык деңгээлдерде кызматташууну улантуу жөнүндө макулдашууга жетишилди.

Президенттер учурдагы аймактык жана эл аралык маселелер боюнча пикир алмашып, алдыдагы байланыштардын графигин карап чыгышты.

Булак: IA ХАБАР