Салык кызматы бизнестин өнөктөшү болуп, кызмат көрсөтүүчү агенттикке айланат. Бул тууралуу КР Салык кызматынын төрагасы Алмамбет Шыкмаматов Ала-Тоо24 телеканалына берген маегинде билдирди.

Ал жарандардын салык сабаттуулугун жогорулатуу боюнча түшүндүрүү иштерин жүргүзүүнүн маанилүүлүгүн белгиледи:

"Азыркы темпти басаңдатпайбыз – мониторингди, тартипти жана түшүндүрүү иштерин күчөтөбүз. Бизнес менен өнөктөштүктү күчөтөбүз. Жарандардын салык маданиятын жогорулатуу боюнча иштерди күчөтөбүз", – деп белгиледи ал.

Ал ошондой эле мектеп деңгээлинде салыктар боюнча билим берүү иш-чараларын баштоонун жана билим берүү программаларына салыктык билим берүүнү киргизүүнүн актуалдуулугун белгиледи:

"Салык билими мектептен башталышы керек. Салык – бул ар бир адамдын атуулдук милдети, патриоттуулуктун көрүнүшү. Мекенин сүйгөн адам салык төлөшү керек. Салыктан качуу – өз элине болгон чыккынчылык. Бул түшүнүктү коомго жеткирүү биздин негизги милдеттерибиздин бири", – деп баса белгиледи Салык кызматынын төрагасы.