Калк жана ишкерлер үчүн салык жүгүн азайтуу боюнча сунушталып жаткан чаралар тууралуу Мамлекеттик салык кызматы билдирди. Тиешелүү мыйзам долбоору Жогорку Кеңеште каралууда.

Негизги демилгелерге төмөнкүлөр кирет:

• транспорт каражаттарына салыкты алып салуу;
• айыл чарба жерлерине салык жеңилдиктерин берүү;
• салыктык текшерүүлөрдү жүргүзүүгө убактылуу тыюу салуу;
• карызды жоюу;
• карызкорлор үчүн саякатка чектөөлөрдү алып салууну жөнөкөйлөтүү;
• патенттик салык системасын киргизүү;
• чакан бизнес үчүн чектерди жогорулатуу;
• сатуудан алынуучу салыктын ставкаларын жана анонимдүү субъекттерге товарларды сатууда бирдиктүү салыкты төмөндөтүү.

Сунушталып жаткан өзгөртүүлөр кичи жана орто бизнести өнүктүрүүгө жана алардын инвестициялык потенциалын жогорулатууга багытталган.

Ошону менен бирге Мамлекеттик салык кызматы абийирсиз жүрүм-турумга жол берилбестигин эскертет. Салык кызматы салык төлөөдөн качууга, анын ичинде негизсиз жеңилдиктерге ээ болуу үчүн ишканаларды жасалма чачыратууга каршы чараларды күчөтүүдө.

Бул үчүн санариптик талдоо инструменттери, тобокелдиктерди баалоо механизмдери жана ведомстволор аралык маалымат алмашуу киргизилүүдө, бул субъекттердин экономикалык ишмердүүлүгүнүн тарыхына көз салууга мүмкүндүк берет.

Мамлекеттик салык кызматы салык милдеттенмелерин абийирдүүлүк менен аткаруу таза атаандаштыктын, туруктуу экономикалык өнүгүүнүн жана социалдык туруктуулуктун ачкычы экенин баса белгилейт.