Борбор калаанын мэриясында мэрдин орун басарларынын жана шаардык кызматтардын жетекчилеринин катышуусунда мэр Айбек Жунушалиевдин пландык кеңешмеси өттү.

Шаардык кызматтар тарабынан «Менин шаарым» тиркемесиндеги кайрылуулардын аткарылышын текшерүүнүн жыйынтыгы тууралуу уюштуруу-көзөмөл иштери бөлүмүнүн башчысы Кубандык Акматбеков билдирди.

2024-жылдын январь-ноябрь айларында Бишкек шаарынын мэриясынын Call-борборуна («Менин шаарым» тиркемесин кошкондо) колдонуучулардан 13 653 кайрылуу келип түшкөн, анын 12 054ү аткарылган, 1 598и аткарылган эмес.

Мэр «Менин шаарым» тиркемесинин атын «Мэрдин кайрылуусу» деп өзгөртүүнү тапшырды.

«Уюмга түшкөн ар бир өтүнүчтү менин буйругум катары карайсыңар. Бир дагы кайрылуу жоопсуз калбашы керек», – деп кошумчалады мэр.

Түшүндүрүү иштерин жүргүзүү менен бардык кайрылууларды ыкчам жана сапаттуу кароо тапшырылды.

“Санариптик технологиялар борбору” муниципалдык ишканасына  көрсөтүлгөн арыздагы суроо-талаптардын аткарылышы боюнча жума сайын отчет жөнөтүп туруу милдеттендирилди.

Ақпарат көзі: сайт https://caravan-info.kg/