Министрлер Кабинетинин Төрагасы Адылбек Касымалиев Кыргызстанга алгачкы расмий иш сапары менен келген Эл аралык миграция уюмунун башкы директору Эми Поп менен жолугушту. Бул тууралуу министрлер кабинети билдирди.

Баарлашуунун жүрүшүндө Адылбек Касымалиев Эми Папаны жылуу кабыл алып, мигранттардын укуктарын коргоо жана миграциялык саясатты өркүндөтүү тармагында ЭМИ көрсөткөн колдоосу үчүн ыраазычылык билдирди.

Ошондой эле миграциялык процесстерди санариптештирүү жаатындагы демилгелер жана миграциянын ачык-айкындуулугун, башкаруучулугун жана коопсуздугун жогорулатуу үчүн санариптик чечимдерди колдонуунун маанилүүлүгү талкууланды. Бул контекстте МОМдун жардамы менен мигранттарды кетүүгө чейин даярдоо жана реинтеграциялоо боюнча өлкөнүн биринчи борборун ачуу пландалууда.

Глобалдык чакырыктардын контекстинде климаттын өзгөрүшүнүн кесепеттеринен келип чыккан экологиялык миграция көйгөйү жана суу ресурстарынын кыскарышы талкууланды. Кыргызстан бул маселени эл аралык аренада жигердүү көтөрүп, анын ичинде БУУнун алкагында демилгелерди илгерилетип жатканы баса белгиленди. Тактап айтканда, республика 2023-2027-жылдарды тоолуу аймактарды туруктуу өнүктүрүү боюнча аракеттердин беш жылдыгы деп жарыялоо демилгесин көтөргөн.

Андан кийин Адылбек Касымалиев Эми Попту 2027-жылы Бишкекте өтө турган жана тоолуу өлкөлөрдүн туруктуу өнүгүүсүн талкуулоо үчүн маанилүү эл аралык аянтча болуп кала турган “Бишкек+25” Экинчи Глобалдык тоо саммитине катышууга чакырды.

Жолугушуунун соңунда тараптар кызматташууну кеңейтүүгө өз ара кызыкдар экендиктерин ырасташты жана миграциялык процесстерди эффективдүү, коопсуз жана гумандуу башкарууну камсыздоо боюнча мындан аркы биргелешкен иштерди жүргүзүүгө даяр экендиктерин билдиришти.