БОРБОР АЗИЯ, 28-июнь, 2025-жыл – Кербен маалыматы.Пакистандын Ооганстан боюнча атайын өкүлү Мохаммад Садик талиптердин Исламабаддагы элчиси жана уюмдун Карачидеги консулу менен жолугушууда дипломатиялык байланыштарды чыңдоо маселесин талкуулаганын билдирди.

Бейшемби күнү, 26-июнда ал Талибандын Исламабаддагы элчиси Сардар Ахмад Шакиб жана консул Абдул Жабари Тахари менен биргелешкен жолугушуу өткөрдү.

Садиктин айтымында, сүйлөшүүлөрдүн жүрүшүндө тараптар соода жол-жоболорун жөнөкөйлөтүү, Пакистандагы ооган ишкерлерин колдоо, ошондой эле ооган студенттеринин билим алуусуна байланышкан маселелерди талкуулашты.

Ал белгилегендей, тараптар эки тараптуу кызматташтыкты кеңейтүү жана өз ара пайдалуу мамилелерди өнүктүрүү үчүн биргелешип иштөөгө даяр экендиктерин билдиришти.

Сүрөт: Караван ААнын өнөктөштөрү