Монголиянын президенти Ухнаагийн Хурэлсух 20-июлда Кыргыз Республикасына мамлекеттик сапар менен келет.Бул тууралуу КР Президентинин Аппаратынын тышкы саясат бөлүмүнүн башчысы Сагынбек Абдумуталип билдирди.

«Бул сапардын алкагында иш сапардын статусуна ылайык салтанаттуу иш-чаралар, ошондой эле Кыргыз Республикасынын Президенти Садыр Жапаров, Кыргыз Республикасынын Жогорку Кеңешинин Төрагасы Нурланбек Тургунбек уулу жана Кыргыз Республикасынын Министрлер Кабинетинин Төрагасы Адылбек Касымалиев менен эки тараптуу жолугушуулар пландаштырылууда.

Эки тараптуу кызматташтыкты кеңейтүүгө багытталган документтер пакетине кол коюу пландалууда.

Мындан тышкары иш сапардын алкагында кыргыз-монгол бизнес форуму, ошондой эле эки өлкөнүн өнөрпоздорунун катышуусунда концерт пландалууда”, – деп белгиледи Сагынбек Абдумуталип.