Netflix эл аралык стриминг платформасы Netflixтин колдоосу менен *Faraway Road Productions* продюсердик компаниясы тарабынан Кыргызстанда тартылган «Офф-Роуд» даректүү сериалын чыгарды. Долбоор КР Экономика жана коммерция министрлигинин, Туризм департаментинин жана Туризмди өнүктүрүүнү колдоо фондунун көмөгү менен ишке ашырылды, алар өлкөдөгү кино тартуу боюнча негизги өнөктөш катары чыгышкан. Сериалдын сюжети Кыргызстандын кооз аймактары боюнча: Бишкектен Ысык-Көлдүн бийик тоолуу өрөөндөрүнө, Караколго жана башка уникалдуу жерлерге чейинки кызыктуу автоавтюра. Алты сериянын ичинде көрүүчүлөр кыргыз элинин жаратылышы, жашоосу, маданияты жана меймандостугу менен таанышат. Кыргыз Республикасынын Министрлер Кабинетинин Төрагасынын орун басары Эдил Байсалов мындай деп белгиледи:

"Биз "Off Road" сериалынын чыгышынын аркасында дүйнө жүзү боюнча миллиондогон адамдар кыргыздын жаратылышынын кооздугу жана элибиздин салттуу меймандостугу менен тааныша ала турганына абдан кубанычтабыз. Биз продюсердик компанияга жана Netflix платформасына тасма тартуу үчүн Кыргызстанды тандап алганы үчүн ыраазычылык билдиребиз. Келерки жылы биз Netflix жана башка дүйнөлүк платформаларда өлкөнүн туристтик потенциалын даңазалаган бир нече фильмдердин жана сериалдардын чыгышын күтөбүз".

Сериал жөн гана көрүүгө чакыруу эмес, саякатка шыктандырат. Кыргызстан экинчи планда калбайт — бул маршруттун башкы каарманы болуп калат.Маалымат үчүн:*Off Road* азыр Netflixте эл аралык аудитория үчүн жеткиликтүү.