Нурислам Өскөнбаев Грециянын Афина шаарында өткөн грек-рим күрөшү боюнча 17 жашка чейинки (U-17) уландар арасында дүйнө чемпионатында коло медаль тагынды.

80 кг салмакта күч сынашкан кыргызстандык мелдешти ийгиликтүү баштады. Биринчи беттеште италиялык Коан Валентини менен беттешип, 10:0 эсебинде ишенимдүү жеңишке жеткен. 1/8 финалда америкалык Адон Фернандести 5:1 эсебинде утуп алды. Чейрек финалда 4:0 эсебинде алдыга чыгып, венгриялык Доминик Кертешти жыгылды.

Жарым финалда 4:2 эсебинде алдыга чыгып, тилекке каршы өзбекстандык Абдулазиз Холмирзаевге тийип утулуп калды. Бирок бул жеңилүү аны коло медаль үчүн күрөшүү мүмкүнчүлүгүнөн ажыраткан жок.

Үчүнчү орун үчүн күрөштө Нурислам ирандык Таха Жавид Нурини 3:1 эсебинде жеңип, коло медаль тагынды.

Ошентип Нурислам грек-рим күрөшү боюнча кадеттер арасындагы дүйнө чемпионатында коло медаль уткан алтынчы кыргызстандык балбан болду. Ага чейин буга Жоломан Шаршенбеков (2016), Эрбол Бакиров (2016), Акылбек Талантбеков (2017), Нурболот Бердикулов (2021) жана Куттубек Рысматов (2023) жетишкен.