ООГАНИСТАН, 2026-жылдын 7-марты – Karavan Info маалымат агенттиги. Ооганстандын Соода жана инвестиция палатасы (ACCI) билдирүүсүндө Кабулда кыргыз элчилигинин коммерциялык атташеси жана ошол өлкөнүн Соода палатасынын атайын өкүлү менен эки өлкөнүн ортосундагы соода мамилелерин өнүктүрүү маселесин талкуулоо үчүн жолугушуу өткөнүн жарыялады.
Билдирүүдө тараптар Ооганстан менен Кыргызстандын ортосундагы эки тараптуу сооданы чыңдоо, экспортту жана импортту кеңейтүү, ошондой эле эки өлкөнүн соода палаталарынын ортосундагы кызматташтыкты жогорулатуу маселелерин кеңири талкуулаганы белгиленген.
Ооганстандын Соода жана инвестиция палатасы (ACCI) Кыргызстан менен соода мүмкүнчүлүктөрүн түзүүгө, ооган продукциялары үчүн жаңы рынокторду табууга жана аймактык байланышты өнүктүрүүдө конструктивдүү ролду ойноого багытталганын билдирди.
Акыркы айларда Ооганстан менен Пакистандын ортосундагы соода дээрлик токтоп калды. Кабул менен Исламабаддын ортосундагы чыңалуу уланып жаткан шартта, эки тараптын ортосундагы сооданы нормалдаштыруу көп убакытты талап кылышы мүмкүн.
Сүрөт: Ооганстандын Соода жана инвестиция палатасы (ACCI)