МОСКВА, 6-август, 2025-жыл. — IA Караван инфо.Кремлде Орусиянын президенти Владимир Путин менен Малайзиянын падышасы Султан Ибрагимдин сүйлөшүүлөрү жүрүп жатат. Жолугушуунун негизги темаларынын бири эки өлкөнүн БРИКС ассоциациясынын алкагындагы өз ара аракеттенүүсү болду.

Сүйлөшүүлөр үчүн Кремлдин басма сөз кызматы даярдаган материалдарга ылайык, Орусия менен Малайзия БРИКСти позицияларды жакындатуу жана бирдиктүү чечимдерди иштеп чыгуу үчүн эффективдүү эл аралык платформа катары карашат.

Документтерде БРИКС бүгүнкү күндө жеке күчтөрдүн клубу эмес, “глобалдык көпчүлүктүн” өлкөлөрүнүн үнү болуп калганы баса белгиленет.

"Орусия менен Малайзия өз ара пайдалуу соода-экономикалык кызматташтыкты тереңдетүүгө мүмкүн болгон бардык аракеттерди жасоого чечкиндүү. Орусиянын экспортунун негизин химиялык өнөр жай продукциясы, резина, металл жана металл буюмдары, минералдык продуктулар, тамак-аш азыктары жана айыл чарба чийки заты түзөт", — деп айтылат билдирүүдө.

Белгилей кетсек, 2024-жылы Россиянын төрагалыгы учурунда Малайзия ассоциациянын өнөктөш мамлекет статусун алган. Бул анын түзүмдүн ичиндеги иш-чараларга, консультацияларга активдүү катышуусун билдирет.

Москва менен Куала-Лумпур муну экономикалык жана саясий кызматташтыкты терендетуу учун гана эмес, ошондой эле бардык елкелердун таламдары бирдей эсепке алынган адилеттуу дуйнелук тартипти курууга салым кошуу мумкунчулугу катары карашат.

Сүйлөшүүлөрдүн жүрүшүндө лидерлер эки тараптуу кызматташтыктын келечегин, ошондой эле экономикадан туруктуу өнүгүү маселелерине чейин глобалдык чакырыктарды чечүүдөгү бирдиктүү ыкмаларды талкуулашары күтүлүүдө.

МААЛЫМАТ:БРИКС – Бразилия, Орусия, Индия, Кытай жана Түштүк Африка сыяктуу өнүгүп келе жаткан өлкөлөрдүн эл аралык бирикмеси. Акыркы жылдары структура активдүү түрдө кеңейүүдө, ага ондогон өлкөлөр кызыкдар.

2024-жылы Малайзия расмий түрдө өнөктөш статусуна ээ болуп, дүйнөлүк деңгээлде саясий диалог жана экономикалык кызматташуу үчүн жаңы мүмкүнчүлүктөрдү ачты.

Сүрөттө: Кремлдин басма сөз кызматы