ООГАНИСТАН, 2026-жылдын 4-марты – Karavan Info маалымат агенттиги. Ооганстандын Тоо-кен жана мунай министрлиги Панжширден табылган 3657 караттык изумрудду аукциондо сатууну жарыялады.

Министрликтин маалыматы боюнча, аукционго жергиликтүү өз алдынча башкаруу органдарынын өкүлдөрү, ошондой эле кен издөөчүлөр жана ишкерлер катышты. Министрликтин басма сөз билдирүүсүнө ылайык, изумруддар 3 870 942 афганиге сатылды.

Министрлик бул процессти кен казуу тармагынан түшкөн кирешени көбөйтүү жана инвесторлор үчүн кошумча мүмкүнчүлүктөрдү түзүүдөгү маанилүү кадам деп атады.

Бирок, түшкөн каражаттын кайсы бөлүгү кен издөөчүлөргө, ал эми кайсы бөлүгү мамлекеттик казынага түшөөрү так айтылган жок.

Сүрөт: Таза булак (Таза булак)