26-27-июнда Беларусь Республикасынын Президенти Александр Лукашенконун чакыруусу боюнча Кыргызстандын Президенти Садыр Жапаров Жогорку Евразиялык экономикалык кеңештин кезектеги жыйынына жана IV Евразиялык экономикалык форумга катышуу үчүн Минск шаарына жумушчу сапары менен барат. Бул тууралуу КР Президентинин Аппаратынын тышкы саясат бөлүмүнүн башчысы Сагынбек Абдумуталип билдирди.

«Жыйынга Евразиялык экономикалык биримдикке мүчө-мамлекеттердин мамлекет башчыларынын жана Биримдикке байкоочу мамлекеттердин башчыларынын, ошондой эле чакырылган ардактуу коноктордун катышуусу пландалууда.

«Жогорку Кеңештин күн тартибинде карала турган 14 маселе бар», – деди Сагынбек Абдумуталип.