Бүгүн, 25-июнда Путраджая шаарында Кыргызстандын Президенти Садыр Жапаров менен Малайзиянын Премьер-министри Анвар Ибрагимдин расмий жолугушуу аземи болуп өттү.

Салтанат Малайзиянын премьер-министринин кеңсесинде Пердана Путрада өттү.

Негизги кире бериште Кыргыз Республикасынын Президентин Малайзиянын Премьер-министри Анвар Ибрагим тосуп алды. Өз ара саламдашуудан кийин эки өлкөнүн мамлекеттик гимндери жаңырды.

Ардактуу кароол ротасынын командири куттуктоо рапортун берди. Андан соң президент Садыр Жапаров Ардактуу кароол ротасынын абалы менен таанышты.

Салтанаттын жүрүшүндө эки өлкөнүн делегацияларынын мүчөлөрүн расмий тааныштыруу аземи болду. Андан соң Президент Садыр Жапаров Малайзиянын Премьер-министринин Аппаратынын Ардактуу коноктор китебине кол коюп, өкмөт башчынын жеке кабинети менен таанышты.

Салтанаттуу аземден кийин делегация башчылары сүйлөшүү бөлмөсүнө жөнөштү.