ООГАНИСТАН, 2026-жылдын 2-январы – Karavan Info маалымат агенттиги. Ооганстандын Транспорт жана авиация министрлигинин маалыматы боюнча, министр Хамидулла Ахундзада Оманга болгон сапарынын алкагында Кабул менен Маскаттын ортосунда түз каттамдарды ачуу маселесин талкуулоо үчүн ошол өлкөнүн транспорт министри менен жолугушкан.

Министрликтин маалыматы боюнча, жолугушууда авиация жана транспорт тармактарындагы ар тараптуу кызматташуу талкууланып, натыйжада эки өлкөнүн ортосундагы аба каттамдарын кеңейтүү үчүн түз каттамдарды ачуу боюнча макулдашууга жетишилди.

Талибан бул окуяны Ооганстан менен Омандын ортосундагы мамилелерди өнүктүрүүдөгү "маанилүү кадам" деп атады.

Талибандын Транспорт министрлиги ошондой эле Омандын транспорт министри кургактагы транспорт жаатындагы кызматташтыкты кеңейтүүгө убада бергенин, бул эки өлкөнүн ортосундагы транспорттук байланыштарды андан ары бекемдей турганын билдирди.

Түз каттамдардын так башталуу күнү, каттамдардын саны жана авиакомпаниялардын аттары азырынча жарыялана элек.

Сүрөт: Tolo News