30-июнда Кыргыз Республикасынын Президенти Садыр Жапаров Чолпон-Ата шаарында Тажикстан Республикасынын тышкы иштер министри Сирожиддин Мухриддинди кабыл алды.

Жолугушууда өлкөлөр ортосундагы соода-экономикалык, маданий-гуманитардык жана чек ара кызматташтыгын өнүктүрүү маселелери, ошондой эле президент Садыр Жапаровдун Тажикстанга боло турган иш сапарынын күн тартиби талкууланды.

Мамлекет башчысы биргелешкен аракеттердин аркасында Кыргызстан менен Тажикстан эки тараптуу кызматташууга туруктуу өнүгүү динамикасын бере алганын белгиледи.

Садыр Жапаров ошондой эле ушул жылдын март айында кыргыз-тажик мамлекеттик чек арасы боюнча тарыхый келишимге кол коюлганын эске салды. Бул контекстте ал эки өлкөнүн аймактарынын ортосундагы өз ара аракеттенүүнү активдештирүү зарылдыгын белгиледи.

Президент Садыр Жапаров эки өлкөнүн элдеринин ортосундагы жакшы коңшулаштыкты чыңдоо жана достук байланыштарды өнүктүрүү тууралуу айтып жатып, маданий-гуманитардык тармакта биргелешкен иш-чараларды өткөрүүнүн маанилүүлүгүн белгиледи.

Өз кезегинде Сирожиддин Мухриддин бардык тармактарда, анын ичинде соода-экономикалык тармактарда кызматташууну арттырууга даяр экендигин билдирди.

Бул жагдайда ал өз ара сооданын көлөмүнүн өсүшүн белгиледи. Тажикстандын ведомстволоруна товар жугуртуунун келемун бир кыйла кебейтууге багытталган жацы чараларды иштеп чыгуу тапшырылды.

Тажикстандын тышкы иштер министри Сирожиддин Мухриддин да өлкөлөр көп тараптуу форматта: БУУнун, КМШнын, ШКУнун, ЖККУнун жана башка бирикмелердин алкагында кызматташууну чыңдап жатканын баса белгиледи.