Бүгүн, 31-августта Кыргыз Республикасынын Президенти Садыр Жапаров Кытай Эл Республикасынын Төрагасы Си Цзиньпиндин чакыруусу менен Тяньцзинь шаарына иш сапары менен келди.

Мамлекет башчынын учагы Бинхай эл аралык аэропортуна конду.

Аэропортто мамлекеттик желектер илинип, кызыл килем төшөлүп, ардактуу кароол тизилди.

Президент Садыр Жапаровду Кытай Эл Республикасынын илим жана технология министри Инь Хэчжун жана башка расмий адамдар тосуп алышты.

Сапардын алкагында мамлекет башчы Шанхай кызматташтык уюмуна мүчө-мамлекеттердин башчыларынын кеңешинин кезектеги жыйынына, ошондой эле Экинчи дүйнөлүк согуштагы Жеңиштин 80 жылдыгына арналган салтанаттуу иш-чараларга катышат. Ошондой эле Кытай Эл Республикасынын Төрагасы Си Цзиньпин менен жолугушуу болот.